ሃገራዊ የጤና ዘርፍ ወቅታዊ ሁኔታዎችን ለአጋሮች የገለጹት የጤና ሚኒስትር ዶ/ር መቅደስ ዳባ፤ ወቅታዊ አለም አቀፍ ክስተቶችን ተከትሎ ሊያጋጥሙ የሚችሉ መስተጓጎሎችን ለመቋቋም የሚያስችሉ የመፍትሄ ሀሳቦችን ጨምሮ ትኩረት ሊያገኙ የሚገቡ የጤና ጉዳዮችን አስረድተዋል።

ሚኒስትሯ በሚቀጥሉት ዓመታት የኢትዮጵያን የጤና ዘርፍ ለመምራት የተነደፈውን የHSDIP II አላማዎችን እና ስትራቴጂካዊ ግቦችን ዘርዝረዋል። ዕቅዱ ጥራት ያለው የጤና አገልግሎት ፍትሃዊ ተደራሽነትን ማስፋፋት፣ የጤና ስርዓትን የመቋቋም አቅም ማጠናከር እና ወደ ሁለንተናዊ የጤና ሽፋን የሚደረገውን እድገት ማፋጠን ላይ ያተኩራል። እንዲሁም የሀገር ውስጥ ሀብት ማሰባሰብን በማሻሻል እና በጤና ስርዓቱ ውስጥ ቅልጥፍናን በመጨመር ላይም አጽንኦት ሰጥተዋል።

ስብሰባው በጤና ሚኒስቴር እና በአጋሮች የጤና ዘርፍ ልማት እና የኢንቨስትመንት ዕቅድ በተሳካ ሁኔታ ተግባራዊ ለማድረግ በቅርበት መስራታቸውን ለመቀጠል የጋራ ቁርጠኝነትን ለማጠናከር በመስማማት ተጠናቋል።

Website: moh.gov.et

Facebook: Ministry of Health,Ethiopia

Twitter: x.com/fmohealth

YouTube: youtube.com/@FMoHealthEthiopia

Tiktok: tiktok.com/@mohethiopia

Telegram: t.me/M0H_EThiopia

Linkedin: lnkd.in/ewFJ6VAB