የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው በወራቤ ማዕከል የሚገኙ የክልል ሴክተር መስሪያ ቤቶችን የስራ እንቅስቃሴ ምልከታ አደረጉ::የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው፣የክልሉ የህዝብ ተወካዮች ምክር ቤት ዋና አፈ ጉባኤ ወ/ሮ ፋጤ ስርሞሎ፣ምክትል ርዕሰ መስተዳድር አንተነህ ፍቃዱ እና ሌሎች የክልሉ ከፍተኛ የስራ ኃላፊዎች በተገኙበት ነው የመስክ ምልከታ ያደረጉት።
ርዕሰ መስተዳድሩ የማህበራዊ ክላስተር ጽ/ቤት፣ የትምህርት እና የጤና ቢሮዎችን የአገልግሎት አሰጣጥ ተመልክተዋል።
ርዕሰ መስተዳድሩ በሁሉም የስራ ክፍሎች እየተሰጠ ያለውን የአገልግሎት አሰጣጥ እና የሰራተኞችን የስራና የህይወት ተሞክሮ ተመልክተዋል።
ርዕሰ መስተዳድሩ ሰራተኞችን በማነጋገር ያጋጠሟቸውን ማህበራዊ ችግሮች በዝርዝር አድምጠዋል።
በክልሉ ቀልጣፋ መንግስታዊ አገልግሎት መስጠት እንዲቻል ሰራተኞችን ጠንክረው እንዲሰሩ መክረዋል።
ርዕሰ መስተዳድሩ ትላንት በሆሳዕና ማዕከል የሚገኙ ሴክተር መስሪያ ቤቶችን መጎብኘታቸው ይታወሳል።
